CIENCIAS
A Universidade de Santiago de Compostela, por mediación dos seus títulos propios nos permite a organización deste máster propio de Medicina Oral, Cirurxía Oral e Implantoloxía para a formación dos futuros profesionais de Odontoestomatoloxía nas tres áreas que teñen actualmente maior demanda na sociedade.
A actualización e a investigación nas técnicas de tratamento tanto médico como cirúrxico é un obxectivo prioritario neste curso xa que a universidade debe estar na vangarda neste aspecto e debe servir de canle para a súa difusión. Por outra banda, os programas de formación do grao de Odontoloxía inclúen só parcialmente aspectos teórico-prácticos das técnicas médicas e cirúrxicas antes referidas.
Ao ser un posgrao propio non recibe axudas oficiais, debe autofinancirase, e por iso o custo é de 12.000 euros.